NorSahel sitt skulesykkelprosjekt i Mali starta opp i 2013 . Med utgangspunkt i ein altfor høg del jenter som ikkje fullførde ungdomsskulen, var målet å satsa på jenter med lang skuleveg som ynskjer å fullføra heile grunnskulen. I 2013 var andelen jenter som fullførde ungdomsskulen mindre enn 10%! Det er fleire grunnar til at jenter ikkje fullfører. I tillegg til lange avstandar til næraste skule, handlar det òg om fattigdom, tidlege giftemål og graviditetar. Jentene må bidra i hushaldet til storfamilien, og når vi veit at mange må gå langt for å henta vatn, vert det mindre tid til utdanning.
Ved ungdomskulane NorSahel arbeider er det oppretta ein komité beståande av rektor, kommune-, lærar-, foreldre- og elevrepresentant som har bestemt eit regelverket som seier at eleven må betala ein eigenandel på 10 % av kjøpesummen før skulesykkelen kan disponerast av eleven i skuleåret. Eigenandelen vert brukt til å drifta prosjektet lokalt. Vidare seier regelverket at skulesykkelen vert gjeve til odel og eige til elevar som fullfører heile ungdomsskulen. Regelverket i sin heilhet kan du lese under. Ein sykkel er viktig for heile familien, og kan vera ein viktig motivasjon for å satsa på skulegangen. Ein sykkel kan difor endre livet til ei jente.
Til no har prosjekt bidrege til at nærare 400 syklar er kjøpt inn, men enno ventar mange fleire på skulesykkel, og NorSahel nyleg utvida prosjektet til å gjelde to nye ungdomskular, Kobaronto og Koumakire. Pr 2018 er dermed prosjektet aktive på 5 ungdomskular (3 av desse ligg i Tambaga kommune og 2 i Kokofata kommune).
Resultatet av skulesykkelprosjektet har vore veldig gode. Dei siste offisielle tala frå ungdomskulen i Tambaga viser at 28% av elevane som fullførde ungdomskulen i 2018 var jenter (mot under 10% i 2013 ved prosjektstart). Vidare viser tala frå dei andre ungdomskulane prosjektet arbeider nesten same prosent-del. Dette betyr at fleire jenter får utdanning grunna skulesyklar. Skule-leiinga sjølv roser prosjektet og NorSahel har fått spørsmål frå fleire ungdomskular i området om å få sykkelprosjektet.
Skulejentene i Mali treng støtta di!