Hovudmålet med prosjektet «Helping Babies Breathe» (HBB II) er å redusere neonatal(nyfødd) død og dødfødtraten i Mali. Prosjektet er eit tett samarbeid mellom NorSahel og PFI, UiO(Pediatrisk Forskingsinstitutt, Universitet i Oslo). Prosjektet er støtta av Kavlifondet. Prosjektet arbeider i første omgang i helseregionen Koulikoro som tel 3 millionar innbyggarar og har arbeid i 3 større helsedistrikt(Kati, Fana og Banamba) med til saman 1,2 millionar innbyggarar. I tillegg har prosjektet etablert arbeid på sjukpleiar/jordmorskular. Ein avtale er signert med Koulikoro helseregion og med skulane, i februar 2018 signerte NorSahel ei avtale med den største offentlege jordmorskulen i Mali, INFSS. Prosjektet går ut på å innfører medisinsk utstyr tilpassa låginntekts land og å drive med grundig opplæring. Metoden som blir bruka er den nye HBB II(sjå̊ bilete under og film), og NorSahel er den fyste som tek i bruk HBB 2.0 i Mali. Opplæringa vert plassert innanfor ramen av eksisterande offentlege helsestrukturar. Prosjektet er linka opp til fylkessjukehus, helsesenter og fødestuer spreidd utover eit stort område. Prosjektet har i samband med opplæringa utstyrt jordmødre og fødselshjelparar ved helsesenter, sjukehus og jordmorskular med HBB medisinsk utstyr(HBB Bag) for gjenoppliving og opplæringsmateriell, sjå bilete og film under.

Resultatet av prosjektet vil føra til at familiar har meir forutsigbar helse og at fattigdomen er redusert som følgje av betre helse for spedbarn. Jordmor og prosjektkoordinator i NorSahel, Koumba Traore, vitjar jamleg sjukehus, helsesenter og helsefagskular.

Til trass for sikkerhets-utfordringar i Mali seinare tid har NorSahel makta å etablera eit godt heilskapleg program i nyfødd helse og har bygd opp eit nettverk og ei god ramme i Mali. Mali er eit av landa i verda med høgast spedbarns-dødelegheit og mange kan reddast med enkel teknologi. NorSahel og PFI har spesielt utvikla eit godt samarbeid med den viktigaste aktøren i prosjektet, dei maliske helsestyresmaktene. I tilknyting til prosjektet er det gjort forsking på verknaden av metoden HBB og grunnar til helseproblem hos nyfødd og mødre. Evalueringar som er gjort viser at dei maliske partnarane er veldig nøgt med prosjektet og med strategien og at dei har tillit til NorSahel som aktør. Resultat til no viser at prosjektet har hatt veldig gode resultat i enkelte av områda der vi har drive prosjektet , og det er eit sterkt ynskje frå Mali om at opplæringane blir styrka og utvida. Difor vil NorSahel vidare med dette prosjektet.

Ei solid og etter kvart mangfaldig ekspertgruppe sikrar både faglig kvalitet av opplæringane og metoden. Ekspertgruppa blir leia av spesialist innan nyfødd medisin, professor Ola Didrik Saugstad, og består vidare av helse-personell med både internasjonal kompetanse og god lokalkunnskap.